مَدخَل /
تلعب عليّ لعب الطفل بالمراجيح ..
.............. . . . غرّك كلام الناس والناس ، مرضى ،
بـ أفارقك لو إنك ؛ تقوم وتطيح ..
............... . . . مافيه أحد تلعب بـ قلبه ، ويرضى !
النَّصْ /
الطير .. كم له وهو نايم على أغصاني ،
صحّاه صوت الهجر .. في ليلة الفرقا
وأنا معي قلب ، ملّ الهجر .. ويعاني ،
وعيونه النُعّس بـ دمعاتها غرقا !
كان إيحلم كيف يملى الحب .. وجداني
وكيف السنين اللي طاحت منّنا / ترقا
وكيف الأمل ينتعش في قلب خلاّني ..
وخلاّني هم السبب في نوحة الورقا !
يا قلب والعمر مرّه ، والعمر فاني ..
سق شرهتك للمطر ، ما عاد به برقا
واللي نسى مره إنه كان ينساني ،
قله تراني نسيت ( الجادل الطرقا )
واللي نسى مره إنه كان ينساني ،
قله ترى كف يدّين المسا .. عرقا
واللي نسى مره إنه كان ينساني ،
قله ترى دمعة الفرقا .. غدت حرقا
اليا متى والهوا : ظالم ، وأنا جاني !
وليا متى والسنين تروح بي سرقا ؟
لكن على كل حال إن كانه أحياني ..
بيشوف كيف الأمل في دنيتي يرقا
وبيشوف دمعه كثر ما كان يجفاني ..
وبيشوف كيف العيون بـ دمعها شرقا !
دمعه نزل إيه ، لكنّه .. على شاني :
ضحكت !
في ( ليلة الفرقا ) ..
على الفرقا !
مَخرجْ /
لـ البيع [ قلب ] .. يحب ، ويودّ ، ويصون
. . . . . . . . . . . . . . . قناعتة :- بـ ( التضحيّة ، والأمانه ) .. !
كل شي .. عنده ممكن / يطوف ، ويهون
. . . . . . . . . . . . . . . إلا .... [ الهجر والمهزلة والخيانة ] .. !